O Festival Intercéltico chegará no vindeiro verán a súa XXV edición. Foron tres as diferentes localizacións nas que se ten celebrado, e miles de persoas, chegadas de todo o mundo, as que teñen gozado da música de primeira calidade que nel se ten ofrecido.

Comeza a súa andadura no ano 1985, organizado pola Asociación Cultural Semente Nova, que foi no seu tempo a Banda de Gaitas máis representativa do noso país, representado a Galicia no mítico Festival de Lorient. Da escola de gaitas desta banda xurdiron realidades que anovaron o panorama do folk creativo de Galicia, como Xosé Manuel Budiño.

Na terceira edición, tendo en conta a repercusión social e organizativa que acadou, sería o propio Concello de Moaña o que tomaría as rendas dun festival que co paso dos anos se foi consolidando como referencia musical do mundo do folk, chegando a ser o máis veterano dos de Galicia, por ser o único celebrado de maneira ininterrompida durante vinte e cinco anos.

O festival foi declarado de Interese Comunitario polo Parlamento Europeo e de Interés Cultural polo Ministerio de Cultura en diversas ocasións e colaborou directamente coa organización dos mellores festivais de Europa como o de Lorient.

En edicións anteriores, organizáronse diversas actividades alternativas xuntamente co festival:

  • Teatro
  • Mostras de Baile Tradicional e Bandas de Gaitas de Galicia
  • Exposicións
  • Animación nas rúas
  • Cursos e conferencias
  • Regatas de traíñas, bateis, botes de remo, campionatos de fútbol, baloncesto, balonmán, paracaidismo, habilidade canina, etc...
  • Festas gastronómicas
  • Folk tradicional
  • Folk evoluído
  • Feira de artesanía
  • Noites de música folk